Inter mund të përfshijë Joao Mario-n në formë huazimi te Tottenham Hotspur në mënyrë që të ulet çmimi i Mousa Dembele.
Zikaltrit i kanë vënë syrin veteranit të Spurs, i cili mbush 31 vjeç muajin tjetër dhe ka një kontratë e cila përfundon në qershor të 2019.
Oferta fillestare e Inter ka qenë 10 mln euro, teksa ekipi i Premier League kërkon 30 milionë.
Sipas La Gazzetta dello Sport, Inter do të mundohet të zbusë pretendimet e Tottenham duke përfshirë Joao Mario në formë huazimi me opsion blerje.
Portugezi 25-vjeçar u ble nga Sporting për 40 mln euro dy vite më parë por nuk kërkon të rikthehet në Serie A pas huazimit te West Ham.
Mario kërkon të qëndrojë në Premier League dhe do të ishte shumë i lumtur t’i bashkohej Tottenham.
