Ndërkohë që e gjithë vëmendja është e përqendruar në Rusi merkatoja vazhdon intensivisht për shumë klube europiane.
Së fundmi klubi anglez i Uollvërhempton ka zyrtarizuar në mënyrë të bujshme portierin e kombëtares portugeze Rui Patricio. “Gardiani” i ka dhënë fund kështu aventurës së tij me Sportingun e Lisbonës për t’u zhvendosur në kampionatin më të fortë të planetit. Ekipi i Uollvërhempton po shpreson të sigurojë edhe sezonin e ardhshëm qëndrimin mes më të mirëve në Angli dhe padiskutim Patricio do të jap një ndihmë shumë të madhe në këtë drejtim.
Interesant është fakti që zyrtarizimi erdhi në një kohë kur portieri ndodhet i angazhuar me kombëtaren e tij në Botëror.
