Sipas mediave meksikane, skuadra e Juventusit është interesuar për të sjellë në Torino lojtarin e PSV Eindhoven, Hirving Lozano, njeriun që ndëshkoi Gjermaninë në ndeshjen e parë të Botërorit “Rusi 2018”. Lojtari 22-vjeçar duket se ka tërhequr vëmendjen e mjaft ekipeve të mëdha europiane dhe bardhezinjtë kanë nisur të grumbullojnë informacion në lidhje me mesfushorin meksikan.
Sipas mediave, Pavel Nedved ka patur një kontakt me klubin holandez për të diskutuar në lidhje me një transferim të mundshëm të lojtarit. Skuadra e PSV ka kërkuar të paktën 35 milionë euro, por bisedimet për momentin kanë ngecur dhe do të vazhdojnë vetëm pas përfundimit të Botërorit. Duke qenë se lojtari nuk ka një menaxher ai që bën ndërmjetësin është vjehrri i lojtarit.
