Superiorja do të shohë sot 4 skuadra të zbresin në fushë. Bylis pret Elbasanin, teksa Tirana ekipin e Skënderbeut. Këto takime mbyllin dhe javën e 7-të për sezonin 2024/25.
Ndeshja e parë në Ballsh luhet prej orës 16:00. Vendasit vijnë pas dy humbjeve radhazi, ndërsa Elbasani numëron dy barazime.
Në anën tjetër Tirana – Skënderbeu do mbyllë javën në “Air Albania”. Sfida nis në orën 19:00 dhe i sheh bardheblutë të kërkojnë më domosdo fitoren pas 6 barazimeve radhazi. Më i qetë është Skënderbeu në anën tjetër, që fitoi takimin e fundit.
Kujtojmë se Partizani, Teuta dhe Dinamo korrën fitore më parë në javën e 7-të, teksa mposhtën respektivisht Egnatian, Laçin dhe Vllazninë.
