Dita e sotme ka qenë dita e prezantimit të trajnerit të ri te Santosi, në kampionatin brazilian. Xhair Ventura do të jetë trajneri i ri i këtij klubi, pasi sezonin e kaluar ka drejtuar ekipin e Botafogos.
Në konferencën për shtyp trajneri ka folur edhe për çështjen e dy rikthimeve në klub, atij të Robinjos dhe Gabigolit. Ai tha se do i pëlqente të rikthente në ekip lojtarin e Interit, edhe pas eksperiencës së keqe që ka kaluar në Evropë.
“Janë dy lojtarë të cilët nuk kanë nevojë për shumë komente. Ata janë pjesë e rëndësishme e historisë së këtij klubi. Nuk mund ta mohoj se do doja ti kisha ata këtu, por ne duhet të veprojmë me qetësi”.
