Trajneri i Barcelonës, Ernesto Valverde, shpreson ta ketë Paul Pogba si zëvendësim për Andres Iniesta, thotë “Don Balon”. Sidoqoftë, situata e francezit është disi e komplikuar nga çmimi i kërkuar prej Manchester United, i cili ka të ngjarë të jetë së paku 120 milionë euro, aq sa ka paguar te Juventusi dy vjet më parë.
Nëse Pogba duket të jetë i paarritshëm, Miralem Pjanic nga Juventusi dhe Christian Eriksen i Tottenhamit janë alternativa të mundshme. E vërteta është se trajneri Ernesto Valverde është shumë i joshur nga karakteristikat e një lojtari si Paul Pogba, i cili ka jetuar gjithnjë e më pak i qetë me José Mourinho në radhët e Manchester United.
Trajneri i Barcelonës e do “ekranin fizik” të francezit, aftësinë e tij për t’u bashkuar me sulmin në mënyrë efektive dhe cilësitë e tij teknike me topin. Prandaj, nuk është e pazakontë që ai të jetë në krye të listës së tij të preferencave, edhe pse perspektivat nuk janë tamam pozitive.
