Neymar është shënjestra e preferuar e mbrojtësve kundërshtarë. Mjafton fakti që në këtë kampionat botëror ylli i PSG-së është hedhur në tapet plot 14 herë në dy takimet me Zvicrën dhe Kosta Rikën. Por në Brazil faullat ndaj Brazilianit i kanë sjellë fat një “pub”-i. Klubi i natës “Sir Walter” ka marrë një rekord kërkesash për rezervim vendesh për duelin me Serbinë.
Pronari i “pub”-it i ka premtuar çdo klienti se do të pijë një “shot” falas sa herë që Neymar do të goditet nga kundërshtarët. Por braziliani është kritikuar rëndë jo vetëm në vendlindje, por në mediat e huaja për simulime dhe akrobacira të stisura për të fituar penallti, sicc ndodhi në ndeshjen me Kosta Rikën.
Brazili ende nuk e ka zgjidhur kualifikimin dhe për të garantuar vendin e parë i nevojitet fitorja me serbët. Ndeshja luhet në orën 20:00 në stadiumin “Spartak”.