Gjermania do të kthehet në shtëpi pasi nuk arriti të kalonte fazën e grupeve. Dy humbjet me Meksikën dhe Korenë kanë bërë që kampionët në fuqi ta mbyllin fazën e grupeve në vendin e fundit të renditjes.
Një rezultat i turpshëm, zhgënjyes, dhe këtë e shpreh edhe Mats Hummels.
Qendërmbrojtësi i Bayern foli për mikrofonat gjermanë pak pasi kishte përfunduar ndeshja dhe dukej qartë se ishte shumë i mërzitur për këtë disfatë të rëndë.
“Jemi të zhgënjyer, nuk mund ta përshkruaj.
“Krijuam mjaftueshëm raste për të shënuar por nuk ishte mbrëmja jonë. Asnjë skuadër nuk është e lehtë në këtë kompeticion dhe këtë e pamë dhe sot.
“Ndeshja ndaj Meksikës na ka kushtuar shumë. Po të kishim marrë qoftë edhe një pikë ndaj tyre në ndeshjen e parë, nuk do të kishim dalë në sulm me 10 lojtarë në ndeshjen e sotme.
“Një disfatë shumë e rëndë, u përmirësuam nga ndeshja e parë, por nuk mjaftoi. Në fund dolën në kërkim të golit dhe humbëm pozicionet në prapavijë dhe si pasojë u ndëshkuam.”