Stoli i Gjermanisë rrezikon të mbetet i boshatisur pas eliminimit të turpshëm në këtë Kampionat Botëror. Presioni mediatik në Gjermani po bëhet i padurueshëm për Joachim Low, i cili parashikohet të tërhiqet nga pankina e “Die Mannschaft” pas 12 vitesh.
I pari që kërkohet të vendoset në krye të “panzerave” është tekniku i Liverpoolit, Jurgen Klopp.Por, preferenca nuk përputhet me mundësinë. Trajneri i të “Kuqve” nuk pranon të lërë në mes projektin e nisur për ta kthyer Liverpoolin në elitën e futbollit anglez dhe europian.
Ish-trajneri i Borussia Dortmundit do ta ketë të vështirë në të ardhmen të refuzojë pankinën e 4-herë kampionëve të Botës.
Në listën e kandidatëve për të marrë timonin e Gjermanisë janë Arsene Wenger, Julian Nagelsmann dhe Jurgen Klinsmann.
