Futboll Kombëtarja Shqipëri Sport

NIS NJË EKSPERIENCË TË RE ME KOMBËTAREN/ Hamdi Salihi shpreh ambiciet: Me fat që punoj krah Rejës, duam të…

Vetëm pak muaj më parë vendosi t’i japë lamtumirën futbollit të luajtur, duke shprehur qartë ambiciet se shpreson që të njëjtin sukses si sulmues, ta arrijë edhe në karrierën e tij si trajner.

Bëhet fjalë për Hamdi Salihin, i cili tashmë ka nisur një eksperiencë të re në fushën e trajningut, pasi është bërë pjesë e stafit të Kombëtares Shqiptare, në të cilën ka kontribuar për vite me radhë, me golat e tij.

“Të jem pjesë e ekipit kombëtar është gjithmonë një krenari dhe kënaqësi shumë e madhe. Krahasuar me kohën kur kam qenë lojtar, kjo ka edhe më shumë përgjegjësi. Jam përpjekur që të ndihmoj me njohuritë që kam, që të ndikoj qoftë në raportin me lojtarët, por edhe për të përçuar te trajneri, të dhënat e duhura. Gjithçka, e cila të shërbejë për të përgatitur sa më mirë ndeshjet kualifikuese”, u shpreh ish sulmuesi për SuperSport.

Hamdi Salihi është një nga ndihmësit e Edi Rejës, ndërsa shkodrani e cilëson veten vërtetë me fat, që ka shansin e artë që fillesat në këtë profesion, t’i ketë në krah të një njeriu me eksperiencë 40-vjeçare.

“Është fat që të punoj direkt me një trajner të nivelit të lartë, me një bagazh shumë të madh dhe që ka 40 vite që trajnon. Ai ka edhe një komunikim dhe raport të jashtëzakonshëm jashtë futbollit. Jam me fat që bëj pjesë në këtë staf”, ka deklaruar Hamdi Salihi.

Related posts

FLAMURTARI-LAÇI/ 2 gola për 3 minuta, Nuabueze dhe Xhixha trondisin “vlonjatët” (VIDEO)

Delo.autor

“VENDIMI I MADH”/ Messi nën presion për të ardhmen. Mediat godasin PSG: Kafaz i artë

F.autor

PAS BARAZIMIT/ Kjo është nota për Messin. Ja më i miri… (FOTO)

Delo.autor

Leave a Comment