Liverpooli po përballet me një kundërshtar tjetër të Premier League për të fituar shërbimet e mesfushorit të avancuar të Stoke City Xherdan Shaqiri. Southampton është futur në listë për të bërë pazar me Stoke Cityn për kartonin e mesfushorit shqiptar.
Këtë gjë e ka zbuluar Ian McGarry i ftuar në emisionin për transferimet e futbollistëve “Windows Podcast”.
“Shaqiri, sipas informacionit tim është i gatshëm të iki nga Stoke për 9 milion €.
Shqiptari i Zvicrës do të paguhet nga Liverpooli 135 mijë € në javë nëse pranon të luajë për ekipin e Jurgen Klopp. Rënia nga Premier League e Stoke dhe paraqitja pozitive në Botëror me helvetët do të ndikojë seriozisht në të ardhmen e 26-vjeçarit.