Skuadra e Tiranës ditën e sotme ka zyrtarizuar lojtarin ganez Vincent Atinga, i cili ka firmosur për 3 vite me bardheblutë. Njoftimi bëhet i ditur nga klubi në faqen zyrtare në rrjetet sociale, për arritjen e marrëveshjes me mbrojtësin.
“Është mbyllur sot me sukses tratativa në Ghana për përforcimin numër tre për Tiranën Superiore. Vincent Atinga ka nënshkruar për 3 vite bardheblu. Drejtori Ekzekutiv Hektor Como ka firmosur në Acra Theodore me mbrojtësin 24-vjecar që vjen si një përforcim me shumë vlera për sezonin e ri. Atinga është pjesë e Kombëtares së Ghanës dhe një lojtar shumë i rëndësishëm për repartin difensiv dhe qendrën e mbrojtjes”, shkruan Tirana.
