Kapiteni i Kombëtares shqiptare, Ansi Agolli, prej disa ditësh ndodhet në kryeqytet, ku ka kaluar pushimet fundvitit.
Mbrojtësi i krahut të majtë ka analizuar ecurinë e kuqezinjve gjatë vitit të kaluar, duke i vënë notë mesatare.
Agolli i ftuar në emisionin “Ora Skaner” në Ora News tha:
“Kemi mbyllur një vit pozitiv me Kombëtaren. Jam një tip që nuk kënaqem kollaj. Jam kritik ndaj vetes sime, e jo më ndaj rezultateve të klubit. Morëm vendin e tretë në klub, duke patur parasysh ekipet që kishim në grup. Kombëtarja meriton notën 7”.
