Mbrojtësi i Kombëtares, Ardijan Ismajli, ka shpërthyer nëpërmjet një statusi në “Instagram”, duke thumbuar analistët nga Kosova, të cilët nuk kishin besim te futbollisti i cili është shndërruar në një lider tek kuqezinjtë e drejtuar nga Reja.
Kujtojmë që Ismajli dikur ishte kapiten i Kosovës U-21, teksa zgjodhi të përfaqësonte Shqipërinë. Mbrojtësi i konsiderua nga disa analistë kosovarë si i dështuar dhe që nuk mund të gjente hapësira te Kosova, ndaj edhe zgjodhi Shqipërinë. Futbollisti që aktivizohet te Hajduku i Splitit në Kroaci, duket se iu ka mbyllur gojën kritikëve, pas paraqitjeve të fundit.
POSTIMI THUMBUES I ISMAJLIT:
“Diçka për rezervistin. Nuk po dëgjohen disa gazeta dhe analistë nga Kosova jonë, sidomos ai i famshmi. Askush s’ka mundur të më mposhtë dhe as nuk do të munden! Me ndihmën e Zotit edhe familjes, vetëm përpara dhe me sukses vazhdojmë”.
