Në ndjekje të Napolit dhe përpara Interit e Romës në renditje. Ky është pozicioni aktual i Juventusit, i angazhuar në ndeshjen e radhës të kampionatit italian, në fushën e Verona-s. Massimiliano Allegri, në konferencën për shtyp në prag të kësaj transferte, preferoi të mbajë përqendrimin e lartë: “Qëllimi ynë i vetëm është të sjellim fitoren në shtëpi.
Në “Bentegodi” kemi humbur shumë herë, por kjo kjo është mundësia klasike, në të cilën nuk pranohen rezultate të tjera, si barazim, apo humbje. Nuk duhet t’i hedhim poshtë të gjitha gjërat e mira të bëra në këtë muaj”. Disa lojtarë që nuk do të jenë në dispozicion: “Nuk mund të luajë Pjanic, si Buffon, De Sciglio dhe Cuadrado, që vuajnë nga inflamacion në “pubis”. Për këtë arsye nuk mund të jenë gati. Madje, vështirë të riaftësohen edhe për Kupën Italiane. Bentancur dhe Marchisio në mesfushë? Po, është e mundur”.
