Chelsea është vënë në gjurmët e portierit të Anglisë dhe Stoke, Jack Butland, sipas asaj që bën të ditur “Daily Mail”. Kampionët e Anglisë, të cilët fituan 2-0 kundër Brighton, në ndeshjen e fundit të Premier League, kërkojnë shërbimet e Butland, duke qenë se Thibaut Courtois refuzoi të rinovonte kontratën me “blutë” dhe kanë ofruar për të 35 milionë paundë, rreth 40 milionë euro.
24-vjeçari Butland, i cili numëron 6 ndeshje si pjesë e “Tre luanëve”, e ka ruajtur rrjetën e paprekur në vetëm në dy nga 11 ndeshjet e luajtura në këtë sezon, duke pësuar 22 gola. Portieri, i cili mbërriti në “Bet365 Stadium”, në janar 2013, i rritur te Birmingham City, numëron 20 ndeshje pa gol, në 625ndeshje gjithsej për ekipin e drejtuar nga Mark Hughes.
Shtypi ka shkruar se Chelsea ka intensifikuar bisedat me Butland, me portierin aktual Courtois që refuzoi të firmoste kontratën e re me “Stamford Bridge”. Real Madrid dhe Paris Saint-Germain kanë shfaqur interesimin e tyre për belgun, që do të largohet nga Londra. Nëse transferimi i Butland te Chelsea do të realizohet, atëherë ai do të vendosë rekordin e ri për transferimin e një portieri nga Anglia, që aktualisht mbahet nga Jordan Pickford, i cili kaloi nga Sunderland te Everton për 35 milionë euro, verën e kaluar…