Duke dituar krizën që po përjeton Partizani në këtë pjesë të parë të sezonit, drejtuesit janë vënë në lëvizje për të gjetur bomberat e duhur. Në planet e të kuqve thuhet së është edhe 19-vjeçari i Llapit në Kosovë, Mirlind Daku, i cili ka shënuar 9 gola për kryesuesit e Superligës kosovare.
Pas publikimit të lajmit, ka ardhur reagimi unik i trajnerit të Llapit, Tahir Batatina, për “gazetasheshi.com”, ku sipas tij, jo Partizani, por as Barcelona nuk ka shanse për Dakun. “Daku ka kontratë me Llapin dhe nuk e lirojmë. Jo për Partizanin, por as për Barcelonën” u shpreh trajneri i Llapit, Tahir Batatina, për transferimin e Mirlind Dakut te Partizani.
