David Luiz ka kërkuar t’i jepet hapësirë të luajë rregullisht në skuadrën e parë, ose ndryshe do të largohet nga Chelsea.
Mbrojtësi brazilian ka luajtur vetëm një herë që prej humbjes së Chelseat në Ligë të Kampionëve kundër Romës në muajin tetor.
Luiz i ka prishur marrëdhëniet me trajnerin Antonio Conte pas reagimit të tij pse u zëvendësua në humbjen kundër Romës. Më pas, ai pësoi një lëndim dhe nuk ka luajtur që prej tetorit.
Por, ai do të jetë i gatshëm për ndeshje kundër Southamptoni të shtunën, pra nesër, dhe i ka dhënë ultimatum trajnerit të tij se nëse nuk luan do të largohet.
Skuadrat e interesuara për të janë Real Madrid, Manchester United dhe tani edhe Bayern Munich.