Pierre-Emerick Aubameyang nuk do të largohet nga Borussia e Dortmundit gjatë merkatos së janarit. E siguron administratori i deleguar i klubit verdhezi, Hans-Joachim Watzke, në një prononcim për prestigjiozen gjermane “Bild”.
“Aubameyang? Kemi ende objektiva për të arritur dhe është e pamendueshme që në janar të heqim dorë nga një futbollist i kalibrit të tij”, tha drejtuesi i klubit gjerman.
A mund të rikthehet në “Signal Iduna Park” armeni Henrikh Mkhitaryn, siç kanë bërë në të shkuarën Kagawa, Gotze e Sahin?
“I njoh shumë mirë të dhënat ekonomike të Manchester United, mund të mendohet për një rikthim të tij te Borussia vetëm nëpërmjet imagjinatës”, theksoi Watzke.
