Juventus-Roma është supersfida e javës së 18-të në Serinë A. 3 pikë i ndajnë dy skuadrat në renditje por verdhekuqtë e Di Francescos kanë një ndeshje më shumë për të luajtur dhe në këtë sezon kryeqytetasit kanë shanse reale për të zbritur Juventusin nga froni.
Alessandro Florenzi e di rëndësinë që ka sfida që do të luhet këtë të shtunë në Allianz Stadium, por për Florenzin fatet e sezonit nuk do të vendosen në këtë ndeshje.
“Është një ndeshje shumë e rëndësishme por nuk mendoj se në këtë sfidë do vendoset se cila skuadër do të fitojë kampionatin.
Jemi stërvitur mirë dhe jam i sigurtë që do të shënojmë. Juves do t’i hiqja Dybalën, ai është një kampion. Nuk është e lehtë të luash në Torino ndaj Juventusit por duam të ndryshojmë traditën dhe të marrim pikë”, deklaroi mesfushori i Romës, Florenzi.
