Safet Gjicit i ka sosur përfundimisht durimi. Presidenti i Kukësit i ka “dhënë dorën” trajnerit serb, Mladen Milinkovic, pas humbjes së javës së 16-të të kampionatit në shtëpi, me Luftëtarin. 25 pikët e grumbuluara në këtë pjesë të kampionatit, pothuajse gjysmën e tij, e kanë detyruar kreun e klubit kampion të ndërhyjë me dorë të fortë.
Ai ka larguar trajnerin dhe stafin e tij, por edhe tre futbollistë të ardhur në merkaton e verës. Bëhet fjalë për Krkotic, Memini e Shtubina, që nuk do të jenë më pjesë e Kukësit.
