Ndeshja më e madhe e futbollit botëror ajo mes Real Madridit dhe Barcelonës po afrohet.
Dy rivalët e mëdhenj do ta zhvillojnë ‘El Clasicon’ numër 270 në të gjitha garat.
E golashënuesi më i mirë në këtë ndeshje të jashtëzakonshme mbetet Lionel Messi.
Ylli argjentinas ka shënuar plot 24 herë në portën e Real Madridit në të gjitha garat.
Messi mbanë primatin me gjashtë gola më shumë se ndjekësi më i afërt dhe do të jetë e vështirë që në një periudhë të shkurtë kohore ta zë ndonjë futbollist vendin e argjentinasit.
Në pozitën e dytë mbetet legjenda e ‘Los Blancos’, Alfredo Di Stefano i cili ka shënuar 18 gola në portën e Barcelonës.
Futbollisti më i mirë në botë për vitin që po e lëmë pas Cristiano Ronaldo ka një gol më pak në pozitën e tretë.
Një tjetër legjendë e Realit, Raul Gonzalez zë vendin e katërt me 15 gola të shënuara në portën e rivalit të madh.
E pozitën e pestë e mbanë ish-sulmuesi i Barcelonës Cesar Rodriguez me 14 gola sa kanë shënuar edhe Francisco Gento dhe Ferenc Puskas të Real Madridit.
