Southampton është gati të heqë dorë nga ylli i mbrojtjes Virgil Van Dijk.
Shenjtorët nuk duan ta humbasin qendërmbrojtësin holandez, por nëse dikush e do, duhet të paguajë 80 mln euro.
Van Dijk, 26 vjeç, është lënë jashtë skuadrës nga trajneri Pellegrino në tre ndeshjet e fundit.
E ardhmja e tij ka qenë një subjekt spekulimesh të vazhdueshme, me Manchester City që besohet se po përgatiti një ofertë 70 mln euro.
Gjithsesi, Southampton nuk do të ndahet nga Van Dijk vetëm nëse mbërrin një ofertë 80 mln euro.
“Duhet të presim deri në janar. Nuk mund ta kontrolloj merkaton, kështu që do të shohim se çfarë do të ndodhë,” është shprehur Pellegrino kur është pyetur për transferimin e mundshëm të Van Dijk.
Southampton ka refuzuar oferta të mëdha nga Liverpool dhe Chelsea verën e kaluar, dhe Pellegrino ka zbuluar: “Vendosëm më të mirën për klubin. Bordi vendosi të mbante lojtarin më të mirë të klubit.”
