Sulmuesi francez, Ousmane Dembele, është stërvitur me bashkëlojtarët e vet te Barcelona në seancën stërvitore të së enjtes, gjersa vazhdon të rikuperohet nga lëndimi.
Megjithatë, Barça mori edhe një lajm të keq sot, pasi portieri i saj në formë të lartë, Marc-Andre Ter Stegen, është stërvitur i vetëm pas një shqetësimi të vogël, transmeton Express.
Dembele mungon që prej 16 shtatorit kur u lëndua në ndeshje kundër Getafes, por sot ka stërvitur me skuadrën e parë.
Lajmi i vetëm i keq për katalanët ishte mungesa e Ter Stegen në këtë seancë, i cili u stërvit në palestër i vetëm.
