Futboll La Liga Sport

LA LIGA/ Reali fiton me përmbysje, Barcelona e mbyll me turp ndaj Osasunas

Real Madridi ka thyer dominimin e Barcelonës duke fituar zyrtarisht titullin kampion në Spanjë. Ekipi madrilen fitoi me rezultatin 2-1 ndaj Villarrealit dhe kaq mjaftoi për të shpërthyer festa në kryeqytetin spanjoll. Zinedine Zidane riktheu titullin e munguar prej sezonit 2016-17 kur madrilenët e fitonin për herë të fundit.

“Los Blancos” kanë vuajtur shumë këtë sezon, pasi kanë patur shumë oshilacione por në fund çojnë titullin lart për të 33 herë në histori. Heroi i madrilenëve ishte Karim Benzema që shënoi dy gola në ndeshjen e sotme. Ai hapi ndeshjen në minutën e 29′ pas një pasimi të saktë nga Modric. Sulmuesi nuk gaboi duke çuar topin në rrjetë për 1-0. Rezultat ky që mbylli dhe 45 minutat e para.

Pjesa e dytë solli dhe golin e qetësisë për vendasit. Ata shënuan me penallti në minutën e 77′ po me Benzemanë. Ramos u pengua në zonë, por kapiteni nuk e gjuajti vetë. Ai ia dha Benzemasë që ndjek Messin për Këpucën e artë. Benzi ka momentalisht 21 gola, kundrejt 23 të Messit. Miqtë ngushtuan rezultatin me anë të Iborras, por një gol që mbeti vetëm për statistikë. Në fund të sfidës, Asensio gjeti rrjetën për 3-1 në të 90’+5′ minutë, por VAR e hoqi golin.

Barcelona humbi në shtëpi 1-2 kundër Osasunas në Camp Nou. Katalanasit dukeshin të dorëzuar për titullin kampion, madje rrezikonin dhe të humbisnin sfidën. Miqtë shënuan të parët me anë të Joses në minutën e 15′. Goditja e tij mposhti Ter Stegen dhe mbylli pjesën e parë me rezultatin 0-1. Lionel Messi reagoi me një supergol në të 62′ nga një goditje dënimi. Argjentinasi barazoi rezultatin në 1-1, por që nuk vleu. Torres shënoi për Osasunan në të 90’+4′ dhe i dha fitoren miqve për 1-2.

Related posts

VILLARREAL-REAL MADRID/ I mjaftojnë 2 minuta lojë, Diaz zhbllokon sfidën për “Los Blancos” (VIDEO)

Delo.autor

Mohamed Salah “pushton” rrugët e Kajros (Foto)

Sadik.Autor

DITË JO E MIRË PËR RONALDON/ Shikoni gafën amatoreske të ndodhur për yllin portugez (FOTO)

Delo.autor

Leave a Comment