Mario Balotelli do ta dëshironte një rikthim tek Milani por me kushtin e vetëm që në rast humbje ai mos sulmohet.
Në një intervistë për “Sky Sport Italia”, Balotelli ka dëshirë për tu bërë shpëtimtar i krizës që ka pushtuar Milanin, shkruan “Football-Italia”.
“Unë e dua Milanin, por unë duhet të jem i sinqertë, Milani është në një situatë të ndërlikuar tani. Unë nuk do të doja të shkoj atje dhe të ketë njerëz të mendojnë se unë jam arsyeja pse Milani po humb. Nuk dua të përsëritet prap ajo që ka ndodhur. Unë do doja të shkoja në Milano dhe të punoja fort për të nxjerrë skuadrën nga kriza.
Nuk dua që të bëhem shpëtimtar dhe më pas një ditë të bukur kur Milani të humbë të më akuzojnë mua si shkaktar”, tha fillimisht ai.
Balo madje zbulon se ai ishte ndaluar të vizitonte terrenin e trajnimit Milanello gjatë tërheqjes së tyre të trajnimit këtë javë, të miratuar si ndëshkim për humbjen 3-0 në Verona.
“Doja të shkoj dhe të përshëndesja skuadrën. Ata nuk do të lejojnë njerëzit nga jashtë. Është zhgënjyese, pasi do të kisha dashur të përshëndes ish-shokët e mi. Mendoj se rregulli i ri është vendosur nga Drejtori Ekzekutiv, Marco Fassone”, përfundoi SuperMario.
Sulmuesi aktualisht është në sezonin e tij të dytë me Nice në Francë, por skuadra nga Ligue 1 konfirmoi se ata nuk janë në gjendje të përballojnë pagën e lojtarit nëse nuk kualifikohen në ligat evropiane.
