Holanda arriti të triumfonte me rezultatin 3-0 ndaj Maqedonisë së Veriut, në sfidën e fundit të vlefshme për Grupin B të EURO 2020. “Tulipanët” e mbyllin kështu këtë fazë me një paraqitje fantastike duke grumbulluar pikë të plota.
Ndërkohë që ballkanasit e Angelovskit, nuk arritën të merrnin asnjë pikë në këtë debutim në kampionatin Europian. Për sa i përket përballjet së sotme, ajo u vendos nga golat e Depaj dhe dopieta e Vajnaldum. Vlen të theksohet fakti se maqedonasit gjetën 2 herë rrugën e rrjetës, por golat u anuluan për pozicion jashtë loje.
Në minutën e 68-të në fushë u hodh edhe futbollisti i Partizanit, Ferhan Hasani, i cili futet në histori duke u bërë lojtari i parë nga Kategoria Superiore, që debuton në një Europian.
Për sa i përket kundërshtarit në fazën tjetër, “tulipanët” duhet të presin verdiktet në ditët në vijim për të mësuar me kë do të ndeshen.
