Kylian Mbappe nuk është i sigurt nëse edhe pas dy viteve do të jetë pjesë e PSG-së.
Sulmuesi francez gjatë kësaj vere nga Monaco u transferua në PSG për 180 milionë euro, me të cilën skuadër nënshkroi kontratë pesë vjeçare.
Por, ai gjatë një interviste për France Football ka thënë se nuk e di ku do të jetë pas dy viteve.
“Kam disa plane për të ardhmen. Për momentin jam duke bërë më mirë se sa e kisha imagjinuar disa muaj më parë. Është një projekt i vështirë”, tha fillimisht Mbappe.
“Ku do të jem pas dy viteve? Sinqerisht, unë nuk e di”, tha ai në fund.
Mbappe vazhdon të jetë objektiv i disa skuadrave të mëdha evropiane, ndër to Real Madrid dhe Manchester United.
