Henkrikh Mkhitaryan sështë aspak i lumtur dhe kërkon të largohet nga Manchester United. Fantazisti armen nuk luan titullar me “Djajtë e Kuq” që prej fillimit të nëntorit në humbjen me Chelsea-n madje në 3 sfidat e fundit nuk ka qenë as i grumbulluar me ekipin.
Lojtari ka kërkuar një takim me Mourinhon për të mësuar planet e trajnerit dhe me shumë gjasa 28-vjeçari do ta mbyllë sezonin aktual me Manchester United për t’u larguar në verë. Interes të veçantë për Mkhitarian kohët e fundit ka shfaqur Interi, që shpreson se mund të arrijë marrëveshjen që në janar me United për të siguruar shërbimet e lojtarit.
Fakti që në klubin zikaltër ruajnë respekt maksimal për trajnerin portugez dhe anasjelltas mund të jetë një bonus për transferimin e armenit në Milano pse jo në merkaton dimërore.
