Antonio Conte thotë se Chelsea dhe Alvaro Morata duhet të mësojnë nga pezullimet dhe pranon se klubi mund të ndërhyjë në merkaton e dimrit.
Conte mendon se kartoni i verdhë i arbitrit Lee Mason ndaj Alvaro Morata-s ishte një mëkat pasi lojtari festoi golin e fitores në sekondat e fundit të Carabao Cup ndaj Bournemouth duke futur topin poshtë fanellës – që simbolizon fëmijën që pret gruaja e tij.
Sulmuesi është ndëshkuar me kartonin e verdhë, që ka qenë i pesti për të, dhe që do të jetë i detyruar të mungojë në ndeshjen e së shtunës ndaj Everton.
Trajneri i Chelsea-t Conte tha: “Duhet të tregohem i sinqertë, në atë moment ne po shijonim golin e shënuar. Por e kuptova që festoi golin duke futur topin poshtë fanellës. Mendoj se është një mëkat.
“Ai është një festim që lejohet. Por arbitri nuk mendoi ashtu.
“Është një humbje e madhe për ne, por ndodhi. Duhet të pranojmë vendimin dhe të mundohemi të tregohemi më të kujdesshëm”.
