Matteo Darmian duket se po kalon ditët e tij të fundit tek Manchester United.
Mbrojtësi italian nuk ka pasur hapësirat e duhura tek ‘Djajtë e Kuq’ dhe ka kërkuar largimin nga aty.
Është skuadra lidere në Serie A, Napoli që ka bërë ofertë zyrtare për Darmianin.
Napolitanët kanë ofruar 10 milionë euro tek Manchester United ofertë që nga ‘Djajtë e Kuq’ është pranuar.
Por oferta e klubit italian nuk e ka lënë të kënaqur mbrojtësin anësorë Darmian.
Skuadra e drejtuar nga Sarri i ka ofruar Darmianit pagë vjetore prej dy milionë eurove në vit.
Por kjo ofertë nuk e ka lënë të kënaqur reprezentuesin italian i cili e ka refuzuar atë.
Darmian gjithashtu po kërkohet edhe nga Interi dhe Roma të cilat janë duke kërkuar mbrojtës anësorë.
Mbetet të shihet se ku do të përfundoj mbrojtësi italian, pasi një gjë është e sigurt, ai do të largohet nga Manchesteri.
