Grupimi i tifozëve të Prishtinës “Plisat”, kanë bërë një gjest të madh ditën e sotme, teksa kanë shpërndarë dhurata për fëmijët ne Durrës.
“Plisat” ishin një ndër grupimet që erdhën menjëherë në ndihmë të Shqipërisë, pasi vendi jonë u prek nga tërmeti i 26 nëntorit.
Pas ndihmave të shumta për familjet e prekura nga tërmeti, tifozët ditën e sotme kanë vendosur ka lumturojnë 507 fëmijë të shkollës 9-vjeçare “Naim Babameto”.
“Plisat” kanë dhënë dhurata të shumta për fëmijët, të cilët u tmerruan nga tërmeti i madh në qytetit në tyre.
Postimi i “Plisave”:
PLISAT NË DURRËS:
Sapo përfunduam shpërndarjen e dhuratave në Durrës! Sot filluam shpërndarjen e dhuratave të aksionit “Ndihmo edhe ti”.
Ndryshe nga herët tjera , sot vizita jonë në Durrës ka pasur një qëllim tjetër. Kemi vizituar Shkollën 9 vjeçare “Naim Babameto”, në Durrës. Ndryshe nga shkollat tjera, kjo shkollë nuk ka pasur fuqinë t’i përballojë tërmetit të pamëshirshëm të datës 26/11/2019.
Në shkollën e ulët 9 vjeçare “Naim Babameto”, kemi shpërndarë dhurata për nxënësit e klasëve të ulëta(1 deri 5) gjithsej për 507 nxënës të kësaj shkolle. Dhuratat i kemi shpërndarë në gjimnazin “Leonik Tomeo”.
Aksioni sapo ka filluar!
Durrës
25/12/2019
PANORAMASPORT.AL