“Epoka” e Vincenzo Montella te Sevilla ka nisur zyrtarisht. Trajneri italian, që ka firmosur një kontratë deri në vitin 2019, do të drejtojë nesër stërvitjen e parë me ekipin “andaluzian” që është në vendin e pestë të La Liga, ndërsa në 1/8-t e finaleve të Champions League do të ndeshet me Manchester United.
Sot në mëngjes, seanca stërvitore u drejtua nga ndihmësi i tij i ri, Enzo Maresca. Ish-mesfushori, që në sezonin e kaluar ka qenë trajneri i Ascolli, ka luajtur futboll me klubin spanjoll nga viti 2005 deri në vitin 2009, duke koleksionuar 96 ndeshje dhe 13 gola.
