Ronaldo dhe Messi kanë shpenzuar më shumë se 350 ditë të luftës në 2017. Një betejë e përjetshme mes tyre, por rrugët i konvergojnë këtë të shtunë në ndeshjen e fundit të këtij viti, një përplasje direkte, në të njëjtën fushë, atë të “Santiago Bernabéu”. Si në një maratonë, të vendosur për sprint, Cristiano dhe Leo arrijnë të krahasohen në vijën e finishit. “El Classico” e së shtunës mund të mosbalancojë një rezultat, që tregon një ekuilibër me 53 pikë, më 21 dhjetor. Një kapitull tjetër i kësaj “lufte”, në të cilën ata janë përpjekur të eklipsojnë gjithçka. Cristiano ka jetuar një vit të suksesshëm, por, nëse Messi tejkalon qëllimet, portugezi do të shijojë hidhërimin.
Kjo është shkalla e tyre e moskonformiteteve, që disa e shohin si një aspekt negativ të Real Madridit, por është karburanti, zjarri i brendshëm, “qymyri” i tyre për të mbajtur ndezur luftën në çdo lojë, çdo vit. Dhe kështu, dekada e fundit nuk kuptohet pa ta. Edhe “El Classic;” është, që nga viti 2009, një përplasje e ethshme e Ronaldos me Messin. Ashtu si një “Magic-Bird”. Një “Agassi-Sampras”. Ashtu si drita dhe errësira e forcës. Edhe pse të dyja ekipet janë plot me yje, “Polari” i ndjekur nga kamerat televizive si magji moderne janë dy prej tyre.
Që kur ata erdhën në La Liga, për të ndryshuar gjithçka e përgjithmonë, shfaqjet e tyre individuale kanë tërhequr ekipet respektive drejt suksesit. Të dhënat e rëndësisë së tyre te Real Madridi dhe Barcelona janë shkatërruese dhe, përsëri, gjurmohen. Në “Bernabeu”, kjo varet shumë nga drita e Cristiano-s, si në “Camp Nou”, që varet nga “llamba” e Messit. Përsëri, dy “fenerët” shkëlqejnë me të njëjtin intensitet. Përqindja fituese e ekipit të bardhë, kur luan Ronaldo, është 75.36%. Barça, kur luan Leo, e bën këtë në masën prej 75.63%. Real Madridi fiton 89.53% të ndeshjeve, kur shënon “numri 7”. Azulgranat festojnë një triumf prej 88.94%, kur shënon “numri 10” i tyre.
Do të jetë “El Classico “ numër 34 mes tyre. Cristiano ka shënuar 18 gola dhe Messi 20. Ronaldo ka festuar 10 fitore, ndërsa Leo 15 të tilla. Klasikja e së shtunës do të shihet në të gjithë botën. Sepse, ato janë dy ekipet më të mira në planet. Edhe për shkak se në to luajnë lojtarët më të mirë në botë. Por, edhe sepse janë atje Cristiano me Messin. Ndikuesit e futbollit modern.
Ronaldo-Messi, finishi 53-golash i vitit 2017
Ronaldo dhe Messi do të luajnë të shtunën “El Classico” e tyre të veçantë, me qëllim të përfundimit si golashënuesi më i mirë i vitit 2017. Të dy janë në nivelin e 53 golave për momentin, edhe pse portugezi ka luajtur më pak lojëra (59-63), kështu që mesatarja e tij është më e mirë: 0.90 gola për ndeshje, nga 0.83 e Messit. Lidhur me Lewandowskin, ai nuk mundi të shënojë dje ndaj Borussia Dortmund, në Kupën e Gjermanisë, dhe nuk do të luajë përsëri në vitin 2017, ndërsa Cavani e mbylli vitin duke shënuar në ndeshjen e kaluar, ku PSG-ja fitoi 3-1 kundër Caen. Harry Kane është i pesti, me 50 gola, edhe pse ka dy ndeshje të mbetura të Premier League para fundit të vitit (më 23 dhjetor kundër Burnley dhe më 26 dhjetor kundër Southampton).
Klasikja, pra, do të jetë finalja përfundimtare e 2017-tës për Cristiano Ronaldon dhe Messin, shansi i tyre i fundit për të nënshkruar ndonjë gol tjetër dhe shpallur shënuesi më i mirë i vitit. Duke pasur parasysh precedentët, gjithçka është e mundshme. CR7 shënoi 42 nga 53 gola në vitin 2017 me fanellën e Real Madridit. Ato erdhën në këtë mënyrë: 19 në La Liga, 19 në Champions, një në Kupën e Mbretit, një në Superkupën e Spanjës dhe 2 gola në Botërorin për Klube. 11 gola të tjerë i ka realizuar me Portugalinë, duke e çuar kombëtaren e drejtuar nga Fernando Santos drejt kualifikimit për Kupën e Botës 2018. Leo Messi, ndërkohë, u përqëndrua më shumë në rezultatin e tij të shënimit me Barcelonën: 49 gola me fanellën e katalanasve dhe vetëm 4 gola me Argjentinën. Dhe në mënyrë specifike: në La Liga shënoi 39 gola, plus 5 gola në “Copa del Rey”, 4 gola në Champions dhe një gol në Superkupën e Spanjës.
Argjentinasi e përfundoi La Liga-n 2016-2017 si shënuesi maksimal (37 gola), edhe pse kjo nuk i mjaftoi Barçës për ta fituar titullin. Ronaldo e filloi sezonin e kaluar me më pak sukses dhe u rafinua në vitin 2017 me një hov përfundimtar të shpejtësisë në Ligën e Kampionëve. Me fanellën e Real Madridit, portugezi ka shënuar gjashtë gola në pesë ndeshjet e fundit të Champions-it dhe dhjetë gola mes çerekfinaleve, gjysmëfinaleve dhe finales së kësaj Kupe Europiane. Të shtunën, “El Classico” do të na lejojë të shohim një kapitull të ri të duelit emocionues midis dy lojtarëve më të mirë në planet.
