Ish-sulmuesi argjentinas, Gabriel Omar Batistuta, ka dhënë një intervistë të gjatë, ku ka folur për karrierën e tij të lavdishme në futboll, por edhe për Kombëtaren argjentinase.
Batistuta rrëfeu vështirësitë e të qenurit futbollist, ndërsa bëri edhe një sugjerim për trajnerin e Kombëtares argjentinase, Jorge Sampaoli.
“Unë kam qenë lloji i lojtarit që jepja maksimumin si në stërvitje, edhe në fushë. Të jesh futbollist profesionist nuk është aspak e lehtë. Të gjithë i simpatizojnë Messin dhe Ronaldon, por askush nuk e di se sa sakrifikojnë ata, për të arritur në ato nivele. Njëherë i kam kërkuar mjekut të më presë këmbët, pasi doja të shpëtoja nga dhimbjet”, kujton “Batigol”.
