Në javën e fundit, Sassuolo ka marrë një rezultat befasues, duke mundur 1-0 në shtëpi skuadrën e Inter. Trajneri Iacchini i ka dhënë besim ekipit, por ata kanë një nga ecuritë më të këqija kundër Roma-s. Veçanërisht në “Olimpico”, ku verdhekuqtë kanë marrë 7 fitore në 9 ndeshjet e fundit. Për më tepër, Roma ka shënuar të paktën dy gola në shtatë ndeshjet e fundit të luajtura kundër Sassuolo-s në të gjitha kompeticionet.
Gjithashtu, vendasit janë të pamposhtur në 34 nga 38 ndeshjet e fundit të kampionatit që kanë luajtur në shtëpi dhe kanë fituar 3 ndeshjet e fundit të luajtura kundër Sassuolo-s në të gjitha kompeticionet. Në pesë nga gjashtë ndeshjet e fundit të zhvilluara mes këtyre dy ekipeve në të gjitha kompeticionet, janë realizuar mbi 2.5 gol për ndeshje.