Chelsea kundër Barcelonës do të jetë një tjetër duel tejet interesant në 1/16 e finales së Ligës së Kampionëve.
Barcelona mësoi sot se Chelsea do të jetë kundërshtari i saj i radhës në garën më prestigjioze evropiane, pas shortit që u hodh në Nyon të Zvicrës, transmeton Express.
Hera e fundit që këto dy skuadra u takuan ishte në vitin 2012 në gjysmë finale, kur anglezët edhe e eliminuan gjigantin spanjoll pas fitores 1-0 në shtëpi dhe barazimit 2-2 në “Camp Nout”.
E drejtori i Barcelonës për marrëdhënie institucionale, Guillermo Amor, ka thënë se Barça e dinte se do të mund të takohej me Chelsean.
“E dinim se gjasat ishin të mëdha të na binte Chelsea dhe kështu ndodhi, e mirëpresim. Nëse doni të fitoni, duhet t’i mposhtni të gjithë. Do t’i futemi këtij dueli me optimizëm, vetëbesim dhe dëshirë të madhe për të kaluar tutje”, ka thënë Amor.
