Liverpool më në fund ka fituar garën për të nënshkruar me qendërmbrojtësin e Southampton Virgil van Dijk pasi arriti marrëveshjen me vlerë 80 mln euro për mbrojtësin.
Dy klubet kanë zhvilluar bisedime diskrete në ditët e fundit pas operacionit të dështuar gjatë verës, dhe sot kanë gjetur akordin për transferimin.
Manchester City dhe Chelsea janë interesuar gjithashtu për mbrojtësin në muajt e fudit, por Van Dijk donte vetëm Liverpool.
Liverpool nuk bëri një ofertë zyrtare gjatë verës por ishte gati të paguante 60 mln euro për holandezin.
Southampton nuk donte të hiqte dorë prej kapitenit dhe madje bëri një ankesë në Federatë drejt Liverpool. Klubi i Kuq kërkoi falje më pas.
Southampton refuzoi edhe ofertat e Chelsea dhe Manchester City për të.
Van Dijk nuk është përfshirë në skuadër në javët e fundit, duke humbur ndeshjet ndaj Chelsea, Huddersfield dhe Tottenham Hotspur.