Ilary Blasi, gruaja e Francesco Totti-t, ka dhënë një intervistë për “Il Fatto Quotidiano” dhe është kthyer të flasë për ditët si futbollist të ish-numrit 10-të të Roma-s: “Nata e fundit? E paharrueshme! Ishte e pamundur të rrinim në shtëpi, atë nuk e zinte vendi, për këtë arsye kemi bërë një xhiro me motor dhe jemi takuar me disa miq”, ka thënë Blasi.
“Nëse jam e penduar se e kam quajtur Spalletti-n burracak? Jo, nuk jam. Fatmirësisht, jam gjithmonë e kthjellët kur flas dhe e vetëdijshme për atë atë që them. Në fillim mendohem”.
Në lidhje me xhelozinë e Totti-t: “Prej vitesh më pyesin nëse ai është xheloz, por e vërteta është se kur ne dalim bashkë burrat shikojnë atë dhe jo mua. Një trishtim i vërtetë”.