Arsene Wenger ka insistuar se Olivier Giroud nuk do të largohet nga Arsenali në janar përkundër faktit se sulmuesit francez nuk po i jepet rasti të luajë si titullar.
Giroud nuk e ka nisur asnjë ndeshje nga fillimi deri tani këtë sezon në Premier Ligë, por e ka treguar vlerën që posedon pasi kur fut nga banka e rezervistëve dhe shënoi një gol me kokë për t’ia siguruar Arsenalit një barazim 1-1 kundër Southamptonit të dielën, transmeton Express.
Ky ishte goli i tij i katërt në 13 paraqitje si zëvendësues dhe derisa francezi mund të ndihet i zemëruar me mungesën e mundësive për të luajtur titullar, Wenger është i vendosur ta mbajë lojtarin gjatë afatit kalimtar të janari.
“Pse duhet ta humbasësh një lojtar të rëndësishëm?” ka thënë trajneri i Arsenalit për Giroud, i cili ishte gati të kalonte te Evertoni në fund të afatit kalimtar veror.