Pas Marselos, një tjetër lojtar ka marrë besimin e trajnerit Zinedin Zidan për sezonin e ardhshëm. Bëhet fjalë për mesfushorin Isko, i cili është një nga të preferuarit e trajnerit francez.
Që në momentin kur u rikthye për të marrë drejtimin e skuadrës, e përfshiu atë në formacion. Isko u kris me Solarin dhe ky i fundit e përjashtoi, por spanjolli ka bërë performanca të shkëlqyera me Zidanin si trajner. Për sezonin e ardhshëm do të vazhdojë të jetë pjesë e rëndësishme e klubit madrilen dhe një pikë e fortë në mesfushën e “galaktikëve”. Edhe Marselo kaloi të njëjtën situatë me Solarin, por do të vazhdojë të qëndrojë në Madrid.
