Vetëm një ditë pasi Nike gabimisht njoftoi se Philippe Coutinho ishte transferuar në Barcelonë, braziliani është lënë jashtë për ndeshjen ndaj Burnleyt në Premier League.
Trajneri i Liverpoolit, Jurgen Klopp tha se lënia e tij jashtë skuadrës nuk ishte vendim teknik, por Coutinho ishte i lënduar.
“Coutinho dhe Salah nuk janë përfshirë në skuadër, sepse të dy janë të lënduar”, tha Klopp para ndeshjes me Burnleyn.
Por, kjo deklaratë nuk po i bind mediat në Spanjë, të cilat njoftojnë se arsye e vërtetë mund të jetë transferimi i tij në Barcelonë.
Barcelona dhe Liverpool thuhet se kanë arritur marrëveshje për Coutinhon, i cili do të kalojë në Camp Nou për 170 milionë euro.
