Trajneri i Arsenalit, Arsene Wenger e ka konfirmuar se Francis Coquelin do t’i bashkohet Valencias
Mesfushori francez, Francis Coquelin tashmë është në Spanjë, ku do të kryej testet mjekësore dhe më pas do të nënshkruajë me Valencian.
Lajmi është konfirmuar nga trajneri i Arsenalit, Arsene Wenger, i cili tha se ishte ai që e ka liruar lojtarin.
“Po. Coquelin ka shkuar në Valencia, sepse nuk luajti shumë ndeshje. E lash të shkonte”, tha Wenger pas barazimit 0:0 me Chelsean në Carabao Cup.
Për shërbimet e francezit skuadra angleze do të përfitojë 12 milionë euro. /Express/
