Kukësi duket sikur është një kantier, që vetëm po punohet. Pas një organizimi të ri që është bërë, me ardhjen e disa lojtarëve me eksperiencë, po mendohet edhe për shitjen e disa nga lojtarëve më të spikatur.
Gjici deklaroi sot se janë disa skuadra që janë të interesuara për lojtarët e Kukësit, pas paraqitjeve që kanë bërë, në miqësoret e luajtura në Turqi.
Sipas burimeve, bëhet fjalë për Albi Allën, i cili mendohet të ketë tërhequr vëmendjen e ekipit belg, të Zulte Varegem, që në përbërje të saj, ka edhe një njohje të vjetër të kampionatit shqiptar: Peter Olayinka.
Nuk dihet nëse kjo ofertë do pranohet nga presidenti i Kukësit, Safet Gjici, por duhet përmendur fakti që Allës i skadon kontrata, nëse Kukësi nuk do të arrijë grupet e Europa League. Kjo mund të jetë një arsye e fortë, që Kukësi të futet sërish në merkato. /EDS/