Sanchez po vlerësohet si “Cantona i ri’ i Man Unitedit.
Alexis Sanchez i jep shumë Manchester Unitedit dhe mund të ketë ndikim ngjashëm si Eric Cantona, thotë ish mbrojtësi i “Djajve të Kuq”, Gary Pallister, që në të kaluarën ka luajtur me legjendarin ‘7’ të Unitedit.
Sanchez u transferua ditë më parë nga Arsenali te klubi nga “Old Trafford” dhe pritshmëritë janë të mëdha nga kiliani, që do të bartë fanellën me numrin shtatë, numrin e legjendave si Cantona, Beckham e Cristiano Ronaldo.
“Ne thoshim ‘kemi veturë të mirë të Formula 1, por nuk kemi vozitës. Më pas Eric u bë vozitës i asaj veture’. Mendoj se e njëjta mund të ndodhë edhe me Sanchezin. Ai është lojtar shumë dinamik dhe mendoj se mund të ndryshojë shumë lojën e Unitedit. Jam i lumtur që është këtu, do t’i japë shumë kësaj skuadre”, deklaroi Gary Pallister.