Barazimin e Borussia Dortmund kundër Hertha Berlin, Aubameyang e ka parë nga shtëpia. Por jo pa polemika. Sulmuesi, i përjashtuar nga trajneri për shkak të transferimit të mundshëm tek Arsenal, ka patur një zënkë në rrjetet sociale me një gazetar gjerman të “Bild”:
“Do të ishte e drejtë, edhe pse jo e këshillumeshme në aspektin ekonomik, që Aubameyang të zhvendosej tek ekipi i rezervave”, ka shkruar Michael Makus në profilin e tij në “Twitter”.
E menjëhershme ka qenë përgjigja e “Auba”-s: “Hapi tjetër është burgu”, ka qenë komenti ironik i sulmuesit. Por gazetari është kundërpërgjigjur, duke i shkruar: “Ke harruar të veshësh fanellën e Arsenal”. Aubameyang, në vazhdim, i ka shkruar: “Qenke humorist”.
Zënka është mbyllur me gazetarin që ka shkruar: “Punoj për një kompani serioze dhe për tifozët e Dortmund, klubi nga i cili paguhesh”.
