Dje, Flamurtari prezantoi si përforcimin e radhës ish-mbrojtësin e Partizanit, Blerim Kotobellin. Ky i fundit arriti marrëveshjen me kuqezinjtë për të qenë pjesë e tyre në sezonin e ri futbollistik. Megjithatë drejtuesit vlonjatë nuk do ta ndalen këtu.
Sinan Idrizi ka nisur bisedimet me sulmuesin e njohur, Rexhinaldo Faite. Afrikani ka pranuar kushtet e drejtuesve vlonjatë, ndërsa tashmë pritet vetëm mbërritja e tij në Shqipëri në mënyrë që të finalizohet gjithçka me sukses.
Në këtë merkato të nxehtë vere, gjithçka mund të ndodhë. Kujtojmë që ai po kërkohet edhe nga skuadra të tjera të Superiores. Në edicionin e shkuar të Superiores, arriti të shënonte plot 18 gola me skuadrën e Laçit.