Edhe zyrtarisht, Ross Barkley është lojtar i Bluve të Londrës. Ai është i ngazëllyer për këtë aventurë të re.
Chelsea ka njoftuar se ka kompletuar transferimin e Ross Barkley nga Evertoni. Sipas mediave britanike, kartoni i 24 vjeçarit i ka kushtuar Bluve të Londrës 15 milionë funte.
Klubi londinez bëri të ditur se mesfushori anglez ka nënshkruar kontratë pesë vite e gjysmë dhe se do ta veshë fanellën me numrin tetë.
24 vjecari është i lumtur për aventurën e re me ekipin e Antonio Contes.
“Jam i tronditur (nga gëzimi). Jam i ngazëllyer dhe mezi pres të filloj”, u shpreh ai.
“Të bëj një fillim të ri në një klub si Chelsea, është e pabesueshme për mua. Jam duke shikuar para për të vazhduar aty ku e lash në fund të sezonit të kaluar dhe shpresoj të përmirësohem dhe të shënojë më shumë gola”, shtoi ai. /
