Bournemouth ia ka shkaktuar humbjen e gjashtë Arsenalit në Premierligë, duke e mposhtur 2:1 në xhiron e 22’të.
Ka vazhduar ecuria negative e Arsenalit në Premierligë. Pas dy barazimeve me radhë, Topçinjtë janë mposhtur 2:1 nga Bournemouthi, sfidë e vlefshme për xhiron e 22’të, shkruan Gazeta Express.
Të tre golat u shënuan në pjesën e dytë. Të parët në epërsi kaluan mysafirët përmes Hector Bellerin në minutën e 52’të.
Vendasit, nuk u dorëzuan, duke përmbysur gjithçka. Callum Wilson barazoi 1:1 në minutën e 70’të, kurse golin e tri pikëve dhe për 2:1 e realizoi Jordon Ibe 74’, duke ia thelluar krizën ekipit të Arsene Wenger.
Pas kësaj humbje, Arsenali mbetet në pozitën e gjashtë me 39 pikë të grumbulluara, kurse Bournemouth në atë të 13 me 24 pikë.