Duket se Reali i Madridit është ndjerë i çliruar pas fitores 2-1 ndaj Viktoria Plzen në Champions League.
Tri pikët sollën qetësi përpara klasikes me Barcelonën. Megjithatë, është Marcelo ai që trazon ambientin.
Ai akuzon mediat që flasin për një krizë te Reali. “Është e vështirë kur nuk fitoni, por ju flisni për krizë sepse doni ta dëmtoni këtë skuadër. Të gjithë ju gazetarët përpiqeni të na lëndoni. Mbase kjo vjen nga zilia sepse nuk dini të luani futboll. Lopetegui është duke bërë një punë të mirë”, u shpreh Marcelo duke akuzuar rëndë mediat.
